font-family: 'Cairo', sans-serif;

القائمة الرئيسية

الصفحات

هكذا ساعد الحسن الثاني في تأسيس الامارات ، ولهذه الاسباب تهاجم الامارات والسعودية المغرب


هكذا ساعد الحسن الثاني في تأسيس الامارات ، ولهذه الاسباب تهاجم الامارات والسعودية المغرب
 
 كلشي شاف في الايام الاخيرة او بالاحرى السنوات 
الاخيرة على المشاكل ولحرب الاعلامية والسياسية بين المغرب من جهة والامارات والسعودية من جهة اخرى وخصوصا دولة الامارات
ودروة المشكل بدا قبل 3 سنوات و بالضبط نهار ناضت السعودية والامارات ودارو الحصار على دولة قطر بداعي ان النظام القطري كيدعم جماعات ارهابية وصلات لحد بعد الجهات السعودية اخترقات وكالة الانباء القطرية وبثت تصريحات منسوبة لأمير قطر، الشيخ تميم بن حمد آل ثاني، 

وبعدما تم حصار قطر من طرف السعودية والامارات انضمت ليهم البحرين ومصر وتبعاتهم موريتانيا وبعد الدول الافريقية القليلة كجزر القمر ودجيبوتي 

وبما ان المغرب قوة اقليمية وشريك واستراتيجي لبلدان مجلس التعاون الخليجي والرأي ديالو مهم في هاد القضية كلشي كان كيتسنا شنو غادي اقول خصوصا الامارات والسعودية ، لكن المغرب ختار الحياد السياسي
لان النظرة الحكيمة للملك محمد السادس كتعتبر ان هاد المشكل ميستاهلش كل هاد العقاب على دولة عربية اسلامية وتوصل لدرجة الحصار 
 
هكذا سيفط المغرب مساعدات غذائية لدولة قطر لان الحصار كان بدا في البداية شهر رمضان بالرغم ان دولة غنية مثل قطر ممحتجاش لهاد المواد الغذائية لكن في عالم السياسة هاد المساعدات كتساوي الكثير لدولة قطر

بزاف ديال الناس كانو كيفسرو هاد الحركة لقام بها المغرب وكأنه كيقول لدول الحصار انا هادشي معندي فيه لا ناقة ولا جمال ممع حتى واحد ومضد حتى واحد

السعودية والامارات متقبلوش هادشي لانهم كانو كيضنو ان المغرب غادي اوقف في صفهم سواء كانوا ضالمين او مضلومين لكن المغرب فكرهم مرة اخرى ان المغرب ذات سيادة وهو لكيقرر شنو ادير في السياسة الخارجية ديالو 
2 هنا وفي هاد الوقيتة بدات السعودية والامارات كتدير جميع الوسائل باش تضرب المصالح العليا للمغرب في اي حاجة
وبداو بتنظيم كأس العالم 2026 لكان المغرب مرشح باش انظم هاد التظاهرة الكروية ولكان كينافسو انذاك كل من امريكا وكندا والمكسيك وكنا كنتدكرو كيفاش تركي آكي شيخ كان كيخرج في الاعلام وكيصرح علنية انه غادي اعمل كل ما في جهدو باش الدول العربية تصوت لصالح امريكا وكندا والميكسيك وداكشي لكان ،

العديد من الدول العربية صوتت ضد المغرب ولهوما
السعودية والبحرين والإمارات والعراق والأردن والكويت
 ولبنان
هاد تركي آل شيخ مستشار حالي في الديوان الملكي بمرتبة وزير، ورئيس مجلس إدارة الهيئة العامة للترفيه. وخدم في عدة مناصب رياضية منها منصب رئيس الاتحاد العربي لكرة القدم، ورئيس إدارة الاتحاد الرياضي لألعاب التضامن الإسلامي، ورئيس مجلس إدارة الهيئة العامة للرياضة في المملكة العربية السعودية ،ورئيس اللجنة الأولمبية السعودية، وكذلك رئيس هيئة أعضاء الشرف لنادي الوحدة في مكة المكرمة، ومالك نادي بيراميدز المصري يعني كلمتو مسموعة في السعودية خاصة والخليج عامة ومقرب بزاف من العائلة الحاكمة في السعودية .

بعد متسالات هاد الموجة ديال تنظيم كأس العالم 2026 ولكان فاز بالتنظيم هما امريكا وكندا والميكسيك تركي آل شيخ جا عند الملك محمد السادس وبدا اطلب الود ديالو باش اعطيه الادن يسمي كأس العرب للاندية البطلة بكأس محمد السادس وكانه كيقول للملك وللمغاربة انا راه مليا والو في هادشي وانا كندير غير خدمتي 

 3 موراها جات قضية مقتل الصحافي جمال خاشقجي ولتورط فيها ولى العهد السعودي محمد بن سلمان ، السعودية خلصت الثمن غالي في هاد القضية والثمن هو سمعة و شرعية النظام ديالها ،
هادشي لخلا اغلب دول العالم تتكلم عليه وخلات عدة دول تسحب السفراء ديالها من السعودية ، وباش النظام السعودي ينقذ ماء الوجه ويحافظ على سمعتو بداو كياخدو مواعيد محمد بن سلمان مع رؤساء الدول العربية باش استقبلوه رسميا وادوز داكشي في التلفاز والعالم كلو اشوف ان السعودية هي هي والعرب كلهم باقين مع السعودية

لكن في نظركم شكون هاد الحاكم لغادي اعتمد عليه بن سلمان اذا استقبلو غادي ترجع ليه شوية ديال الشرعية
بطبيعة الملك محمد السادس بفضل مكانتو الكبيرة عند العديد من الدول وخصوصا الدول العظمى
وباش نفتحو قوس المغرب الوزن الدبلوماسي ديالو ثقيل حتى في الاوقات والعصور لكتكون الحالة ديالو ضعيفة الدول ديما كتشوف المغرب هو داك الامبراطورية لفي عمرها 12 قرن هاد البلاد للشعب ديالو قديم واكثر من 1000 عام وهوما عايشين على منهج واحد في الثقافة والدين والتقاليد والمذهب والحضارة ومقدر حتى تيار جاي من الغرب اووالشرق اختارقو وهذا هو الفرق بين السبع وراكم عارفين

نرجعو لموضوع بن سلمان بعدما قام بزيارة لمصر وموريتانيا وتونس على الرغم خروج التونسين واحتجوا رافضين زيارتو لبلدهم
بعدها بن سلمان طلب اقابل الملك محمد السادس ولكن البلاط الملكي المغربي غادي ارفض واقول ان الملك محمد السادس معندوش الوقت فين اتلاقا مع بن سلمان لكن هي في الواقع محمد السادس مبغاش اصلا اتلاقا مع بن سلمان باش ميعطيهش ديك الشرعية لكيقلب عليها ومحمد السادس عندو بلادو وعندو شغالو وممساليش لهاد التفاهات

 4 / بعدها السعودية والامارات بداو بحرب اعلامية وذباب اكتروني ضد المغرب
قناة العربية كثرات من الافلام الوثائقية على الصحراء المغربية وكتقول ان هناك شعب صحرواري محكور والمغرب مستعمر ليه بلادو وللاشارة ان قناة العربية قناة سعودية مقرها بالامارات
المغرب متسوقش لهادشي لانو عارف ان الامارات والسعودية عايشين حياتهم كلها بالابتزاز وظنو ان المغرب غادي تنفع معاه الابتزاز في قضية الصحراء المغربية ونفتحو قوس اخر صغير هادشي طبيعيو اوقع مني كيكون مشكل بين دولة في عمرها 50 عام ودولة فب عمرها 12 قرن وهاد الموضوع غادي نتكلمو عليه من هنا شويا

جا الوباء ديال فيروس كورونا وللعالم كلو تحبسات الانفاس ديالو والمغرب كباقي الدول طرق البلاد وسد الحدود البرية والبحرية والجوية في هاد الوقت كانو شي سياح من دولة الاحتلال الاسرائيلي في المغرب ولان المغرب قاطع علاقتو مع الاحتلال الاسرائيلي ومكاين حتى شي خط جوي كيربط بين المغرب واسرائيل هاد السياح حصلو في المغرب وملقاوش كيف ارجعو لبلادهم

ناضت الامارات واتاصلت بسلطات الاحتلال الاسرائيلي وقالت ليهم حتى حنا راه عندنا شي مواطنين امارتيين حاصلين في المغرب غادي نسيفطو طيارة ونجمعو فيها دياولنا ودياولكم ونجيبوهم الامارات ومن بعند نسيفتوهم لييكم لتل الابيب
المغرب وصلاتو الخبار واعتبر هادشي تطاول على السيادة ديالو لان الامارات متشوراتش بنقل مواطنين غير امارتيين والمغرب رفض رفضا قاطعا باس تنزل حتى ديك الطائرة الاماراتية على الاراضي المغربية وقال حتى واحد مغادي اخرج من هنا حتى نقرو حنا وهادشي لسبب حرج كبير للامارات مع الكيان الصهيوني
وهكذا المغرب زاد جنن الامارات
وكرد فعل على القرار ديال المغرب ، بدات الامارات بحملة اعلامية كبيرة ضد المغرب وكتدوز رسائل في الاعلام ديالها على ان فيروس كورونا انتشر بكثرة بالمغرب و هادشي سبب مجاعة كبيرة في المغرب لدرجة سمعهوم شي جيران ولان قلبهم طيب من جهة المغرب بدورهم بداو انشرو هاد الاكاديب ونتونا عترفبن شكون كنقصد
الغريب في الامر بعد هاد الاخبار الكاذبة بايام قليلة حطات طائرة اماراتية بالمغرب باش تشحن مواد غذائية وخضر وفواكه من المغرب ناهيك عن ارسال المغرب لنواذ غذائية وطبية للعديد من الدول الافريقية وصدر ملايين الكمامات لامريكا واوروبا
5/ وهكذا استمر الاعلام والذباب الالكتروني الاماراتي بنشر الاكاذيب على المغرب وهنا دخلات قناة الجزيرة القطرية المعركة وفين مكان شي خبر كاذب من الاعلام الاماراتي والسعودي ضد المغرب كتنوض قناة الجزيرة القطرية وكتفضحو

دويلة الامارات نسات ان تأسيس الامارات هو 1971 يعني اصغر جد في المغرب فهو اكبر من دولة الامارات بأكملها وحتى تأسيسها كان بمساعدة المغرب
فنهار مكان شيخ زايد قبل ميبان البترول باغي اوحد الامارات السبع في قانون الاتحاد ولهوما
أبوظبي و والشارقة ودبي وعجمان ورأس الخيمة والعين والفجيرة
كان من الصعب لشيخ زايد ادير هاد القضية واسس دولة

لان الامم المتحدة ملقاتش معايير مناسبة باش ادار كيان دولة مستقلة حيت مكانتش عندهم مؤسسات دولة ،
وطلبات من الشيخ زايد شي حد اكفلو عندها باش اتم المصادقة على هاد.الطلب
ناض الشبخ زايد وطلب العديد من الدول ولكن دائما كان الجواب هو الرفض حيت واحد معندو الفايدة من هادشي
ناض الحسن الثاني الله ارحمو وسمع بان شيخ زايد غيمشي لبريطانيا باش اطلبهم اكفلوه لان بريطانيا كان ليها يد في تأسيس اسرائيل ومغاديش ترفض طلب الشيخ زايد اساعدها في تأسيس الامارات
اتاصل ببه الحسن الثاني وقاليه راه صعيب لغادي اقبل طلب ديتلك هادوك الدول خاصك تعطيها باش تعطيك وطلب منو بزيارة المغرب وميكون غير الخير
وداكشي لوقع دار فيه الحسن الثاني هاد الخير وخلا سفير المغرب لدى الامم المتحدة في داك الوقت عبد الله الشرفي اضمن الامارات واكفلها باش تعتارف بيها الامم المتحدة كدولة
وزاد الحسن الثاني دار معاهم الخير وعطاهم صك العملة المغربية لهي الدرهم ومزال لحد الان عملة الامارات هي الدرهم والامارات هي الدولة الوحيدة في الخليج والمشرق لعملتها باسم عملة المغرب

هكذا الامارات ولات دولة مستقلة كتعترف بيها كل دول العالم وكتاشفات البينترول لكن تسيير الدولة بقا عشوائي

فكيف كتشوفو في الصورة هادي طيارة نزلات في الامارات في داك الوقت والموظفين كيطبعو تأشيرة الدخول على على الارض
زيادة على ذالك هاديك الساعة مكان عندهم لا مخابرات لا جيش ولا دولة مهيكلة
وهادشي كانت بغات تستغلو ايران وتحتل الامارات لانها كانت دولة هشة معندها حتى شي قواعد
ناض الشيخ زايد واتاصل مرة اخرى بالحسن الثاني اطلب منو الاستغاثة
وطبعا سيفت ليه من المغرب الداهية المكناسي الجنرال حميدو العنيكري واصبح هو المستشار الامني ديال الشيخ زايد واقدر إكون ليهم منظومة مخابرات وجيش
وبالدهاء ديالو قدر اصد الهجومات ديال ايران واخرج الامارات الى بر الامان
ومزال ليومنا هذا 3 جزر اماراتية تخت السيطرة الايرانية ولهوما جزيرة طنطب الصغرى وطنطب الكبرى وجزيرة ابو موسى

بعد عشر سنوات رجع الجنرال المغربي حميدو العنيكري للمغرب ومخلى وراه دولة قوية بجيشها ومخباراتها وكل مؤساساتها
وموقفش هادشي عند هاد الحد فبعدما شاف الشيخ زايد دهاء المغاربة في تسيير مؤسسات الدولة سيفت الابن ديالو لهو محمد بن زايد لهو ولي عهد ابو ظبي الان

رسلو المغرب باش اقرا وداكشي لكان قراه الحسن الثاني في المدرسة المولوية بالرباط وعلموه بورتوكولات الحكم والسياسة على يد الاستاذ المغربي عبد الهادي بوطالب
محمد بن زايد ماشي غير قرا في المغرب بل اشتغل ايضا في مطاعم بالمغرب باش اتعلم الاعتماد على النفس وبمعنى اخر اولي راجل وميعتمدش فقط على حضن البابا 
بقلم محمد السالمي









هل اعجبك الموضوع :

تعليقات